Gikabalak-an karon sa panglawas ug kalimpyo sa Barangay Patpat ug Barangay Dalwangan ang mga langaw ug perwisyo sa baho nga naggikan sa mga pultrihan ug baboyan sa maong dapit. Tungod niini, gidala ni Councilor Jason Chad Ayala ang isyu sa Sangguniang Panlungsod pinaagi sa usa ka privilege speech sa ika-64th regular session kagahapon Oktobre 06, 2026 aron aksyonan gilayon sa City Health Office, City Veterinary Office, ug CENRO pinaagi sa pagpahigayon og dinalian nga inspeksyon ug imbestigasyon.
Niduyog sa maong kabalaka ang ubang mga miyembro sa konseho sama Councilor Niko Aldeguer kinsa nagpadayag nga dako na kaayo kining hulga sa panglawas sa katawhan pinaagi sa pagdala og mga bakterya. Gikumpirma usab nila nga ang maong perwisyo dili lang makadaut sa adlaw-adlaw nga pagpuyo sa mga residente kung masimhot ug makita na usab bisan sa mga pampublikong lugar ug dako nga kalihokan sa dakbayan
Isip lakang sa pagsulbad sa maong krisis, gisugyot ni Councilor Allan Ryan Legaspi ang pagpatuman og temporary moratorium sa pagpapadako sa mga komersyal nga poultry ug piggery operations. Samtang giduso usab nila ni Councilor Flaviano Gapol ug Councilor Erwinn Winky Damasco ang pagpaspas sa pag-aprobar sa Zoning Ordinance aron matakda ug mapahimutang sa hustong lugar ang maong mga negosyo sa Malaybalay City.
Photo courtesy: SP- Malaybalay
