Giplanong i-allot ang P480 milyong pesos sa 2027 national budget alang sa pagpa-improve ug pagpa-expand sa Bacolod-Silay Airport sa Negros Occidental. Gipahayag ni House Speaker Faustino Dy III sa press briefing niadtong October 2 nga nakalakip na sa proposed 2027 national budget ang pondo para sa airport project, nga gi-push ni Negros Occidental Third District Representative Javier Miguel Benitez.
Sumala ni Dy, nakadawat ang proyekto og suporta gikan sa daghang House members, ilabi na tungod sa nagkadakong ihap sa mga pasaherong mogamit sa airport. Gipabaton sab ni Dy nga sumala sa impormasyon nga iyang nadawat gikan ni Benitez, gilauman nga adunay international flight nga magsugod og operate gikan sa Bacolod-Silay Airport sa sunod tuig, maong gikinahanglan ang pagpalapad sa mga pasilidad ug kapasidad sa airport.
Samtang, padayon na ang proyekto sa Civil Aviation Authority of the Philippines o CAAP alang sa major expansion ug improvement sa passenger terminal building. Gikontrata sa CAAP ang proyekto sa P418.276 milyong pesos, nga gitumong nga mapalapad ang pre-departure seating capacity gikan sa kapin 500 ka pasahero ngadto sa 1,480 ka pasahero.
Gilauman nga makadugang kini og espasyo ug makapa-andam sa airport sa padayong pagdaghan sa mga pasaherong mobiyahe sa Negros Occidental.
Photo courtesy: PNA
