Nagkahiusa ang 115 ka Civil Society Organizations (CSOs) sa usa ka assembly nga gipahigayon niadtong Oktubre 5, 2026, isip lakang sa pagpalig-on sa partisipasyon sa katawhan sa lokal nga panggamhanan.
Gipangulohan ang kalihokan sa City Planning and Development Office (CPDO) ubos sa pagpanguna ni CPD Officer Herville Pajaron. Giawhag ni Mayor Joel Mayo Almario ang mga representante sa CSOs nga magpadayon sa aktibong pag-apil ug paghatag og responsableng kontribusyon sa mga programa alang sa kauswagan sa dakbayan.
Lakip sa mga gihisgutan ang proseso sa accreditation alang sa mga NGOs, pagpalambo sa volunteerism, ug ang plano sa pag-establisar og CSO Desk ug People’s Council. Pinaagi niini, gilauman nga mas mapaligon ang koneksyon tali sa komunidad ug lokal nga panggamhanan aron mas dali maabot sa mga opisyal ang mga panginahanglan ug sugyot sa katawhan.
Gitapos ang assembly pinaagi sa open forum diin nakig-istorya ang mga partisipante sa mga lider sa People’s Administration ug nakahatag og ilang mga pangutana ug suhestiyon.
Photo courtesy: LGU Mati
