Gibutyag ni Ret. PCol Danilo G. Mendoza, CADAC Action Officer, nga posibleng dakpon pag-usab ang mga Person Who Used Drugs kun PWUDS kung mobalik sila sa paggamit o pagpamaligya sa ilegal nga droga.
Gipasabot ni Mendoza nga kung ang usa ka PWUDS mobalik sa paggamit o pagpamaligya mahimo siyang moatubang pag-usab sa tukmang legal nga proseso ug silot subay sa balaod.
Samtang, gidasig usab ang mga PWUDS nga ipadayon ang ilang pagbag-o, likayan ang mga impluwensyang mahimong makapabalik kanila sa droga, ug gamiton ang mga programa sa gobyerno nga gitumong sa pagtabang kanila nga makabalik sa hapsay ug produktibong panginabuhi.
Gipasabot ni Mendoza nga ang mga nakasinati na og mga programa alang sa rehabilitasyon ug pagbag-o gilauman nga magpadayon sa ilang maayong pamatasan ug likayan ang pagbalik sa ilegal nga kalihokan.
