Gipahigayon ang Joint Turn-Over of Office Ceremony alang sa bag-ong hepe sa Jose Dalman, Sergio Osmeña ug Leon B. Postigo Municipal Police Stations, diin gipangulohan ni Zamboanga del Norte Police Provincial Director PCOL Reydante E. Ariza niadtong nakalabay nga adlaw didto sa Camp Lt. Deogracias G. Hamac, Dipolog City, Zamboanga del Norte.
Sa Jose Dalman MPS, pormal nga gitugyan ni PMAJ Clark G. Bacolod ang katungdanan ngadto kang PCPT Marvic L. Macapac isip bag-ong Officer-in-Charge. Sa Sergio Osmeña MPS, gitugyan ni PCPT Larry E. Tumanda ang command ngadto kang PMAJ Leo F. Suan isip Acting Chief of Police.
Samtang sa Leon B. Postigo MPS, gipulihan ni PMAJ Rolly V. Lacay si PMAJ Leo F. Suan isip bag-ong Acting Chief of Police. Gipasiugda sa turnover ceremony ang padayong pagpalig-on sa serbisyo sa kapulisan nga nakabase sa integridad, propesyonalismo ug matinud-anong pagserbisyo sa katawhan.
𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲: ZNPPO
