Nagpahimangno ang Local Government Unit sa Sirawai sa tanang residente nga likayan ang pagkaon ug pagpalit og mga shellfish sama sa tahong, talaba ug halaan, apil ang alamang, nga gikan sa mga lugar nga positibo sa Paralytic Shellfish Poison o Toxic Red Tide.
Base sa RDRRMC IX Memorandum No. 104, s. 2026, apil sa mga apektadong lugar ang Dumanguilas Bay sa Zamboanga del Sur ug Tantanan Bay sa Zamboanga Sibugay. Gipahimangno-an ang publiko nga dili mokaon o mopalit og shellfish ug alamang nga gikan niini nga mga lugar.
Samtang, ang isda, pusit, hipon ug alimango mahimong kan-on basta presko, hustong mahugasan, ug tangtangon ang hasang ug lamang-loob sa dili pa kini lutuon.
Gipasiugda usab sa LGU Sirawai nga ang pag-amping ug pagsunod sa maong advisory importante aron malikayan ang posibleng pagkalanag ug mapanalipdan ang kahimsog sa tanang katawhan.
Photo courtesy: Sirawai Municipal Information Center – SMIC
