Samaran ang usa ka 37-anyos nga laborer human gitigbas sa usa ka 59-anyos nga lalaki didto sa usa ka bulangan nga nahimotang sa Barangay Poblacion, Manukan, Zamboanga del Norte niadtong nakalabay nga adlaw.
Base sa inisyal nga imbestigasyon sa Manukan MPS, nalambigit sa pagpusta sa sabong ang biktima ug suspek. Human giingong mapildi ang biktima, gipangayo sa suspek ang iyang daog apan wala kini bayri. Miadto ang suspek sa duol nga balay, mikuha og sundang ug mibalik sa bulangan, diin giingong gitigbas niya sa ulo ang biktima.
Samtang dali usab nga mitubag ang mga personahe sa Manukan MPS hinungdan sa pagkasikop sa suspetsado. Gidala ang biktima sa Triffon Saile Memorial Hospital alang sa pagtambal, samtang narekober usab sa kapulisan ang giingong gigamit nga sundang.
Ang supetsado gidala gilayon sa kustodiya sa Manukan MPS alang sa tukmang disposisyon.
