Sikop sa kapulisan ang usa ka top 8 most wanted person sa regional level nga adunay kasong murder, atol sa intelligence-based manhunt operation sa Zamboanga Sibugay.
Nahimong malampuson ang operasyon alas 7:20 sa gabii niadtong nakalabay nga adlaw, nga gipangulohan sa tracker team sa ZSB 2nd PMFC, kauban ang Alicia MPS, PIDMU sa ZSBPPO ug ZSPIT sa RIU9.
Ang nadakpan usa ka hamtong nga lalaki nga gilista isip top 8 most wanted person sa rehiyon. Human sa iyang pagkadakop, gipahibalo siya sa kapulisan sa iyang kaso ug sa iyang mga katungod ubos sa Konstitusyon ug Anti-Torture Law, gamit ang pinulongan nga iyang nasabtan.
Temporaryo siyang gipabilin sa kustodiya sa 2nd PMFC, sa wala pa iturn-over ngadto sa Alicia MPS alang sa dokumentasyon ug hustong disposisyon sa kaso.
