Arestado sa ipil ang usa ka hamtong nga lalaki tungod sa paglapas sa customs modernization and tariff act o republic act 10863.
Sumala sa Zamboanga Sibugay Police Provincial Office, ang operasyon gipahigayon sa tracker team sa Ipil Municipal Police Station batok sa maong wanted person, nga misangpot sa iyang pagkadakop.
Giatubang sa suspek ang kaso ubos sa Section 6 ug 7, in relation sa Section 14-B sa Republic Act 10863. Ang maong kaso adunay control number 6368-1 sa 2026 ug adunay girekomendar nga piyansa nga P76,000.
Human sa operasyon, gipahibalo sa kapulisan ang suspek sa iyang mga katungod ubos sa balaod gamit ang pinulongan nga iyang hingpit nga nasabtan. Gidala siya ug nagpabilin sa kustodiya sa Ipil MPS alang sa dokumentasyon ug hustong disposisyon sa kaso.
Padayon ang proseso sa kapulisan alang sa tukmang pag-atubang sa kaso, isip kabahin sa ilang kampanya sa pagpatuman sa balaod ug pagdakop sa mga persona nga adunay giatubang nga mga kaso.
