Gipadayon sa Provincial Government sa Zamboanga Sibugay ang mga paningkamot sa pagpalig-on sa serbisyo panglawas pinaagi sa pagpahigayon sa 2nd Provincial Health Board Meeting sa Capitol Building Conference Hall.
Gipunting sa maong tigom ang mga importanteng health initiatives sa probinsya, lakip ang Philippines Health System Resilience Project o HSRP, ang pagtukod sa World Bank-funded Universal Health Care o UHC Warehouse Project, ug ang pagsusi sa mga health indicators nga gamiton sa pagpalambo sa health planning ug paghatod sa serbisyo.
Ubos sa pagpangulo ni Governor Ann K. Hofer, gitutokan usab ang mga lakang aron mas mapalig-on ang health system ug mas matubag ang mga panginahanglan sa mga komunidad sa nagkalain-laing bahin sa Zamboanga Sibugay.
Sumala sa provincial government, ang maong mga programa nagtumong sa pagpalambo sa healthcare system pinaagi sa hustong pagplano, pagpamuhunan ug koordinasyon sa mga health stakeholders, aron mas mapaduol ug mapaayo ang serbisyo panglawas alang sa mga Sibugaynon.
