Giklaro ni Police Regional Office 11 Director PBGEN Leon Victor Rosete nga walay direktang ebidensya nga naglambigit kang Digos City Mayor Josef Fortich Cagas sa pagpatay kang Barangay Captain Oscar “Dodong” Hisola Bucol Jr.
Base sa verification sa Digos City Police Station, wala matukod nga adunay direktang komunikasyon ang mayor ngadto sa giilang gunman, ni ebidensya nga miapil kini sa pagplano o pagpatuman sa krimen.
Gipasiugda sa PRO 11 nga padayon ang case build-up ug imbestigasyon aron masuta ang tanang posibleng anggulo ug mailhan ang ubang personalidad nga mahimong responsable sa pagpatay.
Photo courtesy: Friends of MJFC
