Nasikop sa hiniusang pwersa sa PDEA Davao del Sur ug Padada Municipal Police Station ang usa ka 49-anyos nga STL collector nga giila nga si alyas “Ruel,” human sa drug buy-bust operation sa Linda Village, Barangay Harada Butai, Padada, alas-7:10 sa gabii, Oktubre 6, 2026.
Narekober gikan sa suspetsado ang gibanabanang 12.6 gramos nga shabu nga adunay standard drug price nga P85,680.
Gikustodiya karon sa PDEA Regional Office XI sa Davao City ang suspetsado samtang giandam ang kasong paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002.
