Hugot nga gidili sa Lanao del Norte Police Provincial Office ang pagpamaneho nga naka-inom sa ilimnong makahubog kini base sa ilang social media post.
Alayon sa Republic Act No. 10586 o Anti-Drunk and Drugged Driving Act of 2013, gidid-an ang mga motorista nga moinom sa ilimnon samtang nagmaneho. Matod sa LDN PPo, mahimong moabot sa P80,000 ang multa ug 10 ka tuig nga pagkapriso depende sa paglapas ug resulta sa insidente.
Kung makapahinungdan og kamatayon, mahimong moabot sa P500,000 ang multa, taas ang katuigan ang pagkapriso, ug permanenteng pagbawi sa lisensya.
Padayon ang panawagan sa LDN PPo nga likayan ang pagmaneho kung nakainom o nakagamit og droga aron malikayan ang aksidente ug pagkabugto sa kinabuhi.
Photo courtesy: Lanao Del Norte PPo
