Gipahimangnoan sa Iligan City Traffic and Parking Management Office ang mga establisemento nga nahimutang sa mga lugar nga bawal ang pagparking nga mosunod sa mga regulasyon ug balaod-trapiko.
Matud kang Benedicto Bañares, Operation Head sa ICTPMO, nasabtan sa mga establisemento ang maong pagdili ug kadaghanan niini nagsunod sa panawagan sa traffic office.
Apan, problema gihapon ang pipila ka customers sa maong mga establisemento nga moparking bisan pa og bawal ang lugar.
Tungod niini, ang mga sakyanan nga makit-ang ilegal nga giparking mahimong ma-ticketan ug ma-clamp subay sa mga regulasyon sa trapiko, bisan pa og customer kini sa maong establisemento.
Photo courtesy: ICTPMO fb page
