Naningkamot sa paspas nga pag-ayo sa mga nibuto nga tubo ang Iligan City Waterworks System o ICWS bisan pa sa dakong hagit nga ilang nasinati.
Matud ni OIC Head Hubert Reyes, paningkamotan sa ilang mga trabahante nga mapadali ang pag-ayo aron mabalik dayon ang serbisyo.
Gipasabot ni Reyes, nga usa niini ang bag-uhay lang nga pagkaguba sa tubo sa National Steel Corporation National Highway nga malampusong naayo sulod lamang sa 24 oras, bisan pa sa daghang trabaho atol sa panahon sa pista.
