Gipasiugdahan ang awareness campaign sa Libungan Municipal Police Station sa Padura Espabo High School sa Barangay Montay, Libungan, Cotabato, aron mapataas ang kahibalo sa mga estudyante, magtutudlo ug school authorities bahin sa hulga nga mahimong manggawas sa social media. Gipunting usab sa kapulisan ang pagsalikway sa Nihilistic Violent Extremism o NVE.
Gipahimangnoan sa PNP ang publiko bahin sa posibleng legal nga konsekwensya sa pag-promote o pag-awhag sa NVE pinaagi sa online platforms.
Gidasig usab ang mga eskwelahan ug mga estudyante nga mosuporta sa kampanya batok sa online threats ug mahimong responsable sa ilang mga gipatik ug gipaambit sa social media.
Photo courtesy: PNP Libungan Municipal Police Station
