Napalgang wala nay kinabuhi ang magtiayon nga retiradong magtutudlo sa likod sa ilang balay sa Purok Matulungin-A, Barangay Poblacion 2, Banisilan, Cotabato, sayo sa buntag niadtong nakalabay nga adlaw.
Giila ang mga biktima nga sila Elsa Bermejo Galeno, 82 anyos, ug Edwin Daquil Galeno, 81 anyos. Sumala sa kapulisan, pareho silang adunay mga samad sa ulo samtang ang bana nakaangkon ug samad dinunggaban sa dughan.
Narekober sa lugar sa nahitaboan ang usa ka kutsilyo ug kahoy nga gituohang gigamit sa pagbunal sa magtiayon nga hinungdan sa ilang hinanaling kamatayon.
Padayon ang imbestigasyon sa kapulisan aron matino ang suspek ug motibo sa nahitabong krimen.
Photo courtesy: Banisilan PNP
