NAGHIUSA ang mga pamilya, kooperatiba ug mga partner agencies sa Kidapawan City aron ipasiugda nga ang panaghiusa sa komunidad importante sa pag-atubang sa kalisod ug sa posibleng epekto sa El Niño. Gipakita kini pinaagi sa Cooperative Family Fun Run 2026 nga gipahigayon karong Oktubre 3 isip kabahin sa selebrasyon sa Cooperative Month.
Matud sa Kidapawan City Cooperative Office, dili lamang kalihokan alang sa panglawas ang maong fun run, kondili usa usab ka paagi sa pag-andam sa sunod nga henerasyon nga mopadayon sa maayong serbisyo ug mga programa sa mga kooperatiba para sa mga Kidapaweño. Nakigbahin usab sa kalihokan ang mga kawani sa Cooperative Development Authority, City Cooperative Development Council, ug LGU Kidapawan Multi-Purpose Cooperative, uban sa ilang mensahe sa pagtinabangay isip tubag sa mga hagit sa komunidad.
Photo courtesy: City Government of kidapawan
