Patay ang 29-anyos nga lalaki human gipusil sa duha ka wala pa mailhing suspek sulod mismo sa iyang peryahan sa Makar Road, Purok Bagong Silang, Barangay Labangal, General Santos City.
Nahitabo ang pagpamusil alas 10:20 sa gabii niadtong Oktubre 3, 2026, diin giila sa kapulisan ang biktima nga si Jeffrey Argabio Dequillo, residente sa Accord Village, Barangay Calumpang.
Sumala sa inisyal nga imposmarsyon kalit nga misulod ang duha ka suspek sa peryahan ug gipusil ang biktima nga naigo sa tuo nga likod nga bahin sa lawas.
Dali siyang gidala sa SARMED Hospital apan gideklarang dead on arrival sa mga attending physician. Human sa pagpamusil, mikalagiw ang mga suspek sakay sa motorsiklo padulong sa Lower Makar, Barangay Labangal.
Usa sa mga suspek ang giingong nagsul-ob og green nga t-shirt ug short pants, samtang padayon ang hot pursuit operation sa kapulisan alang sa ilang pag-ila ug pagdakop.
