Duha ka indibidwal ang nadakpan sa kapulisan human gi-report ang hulga nga mensahe nga gipakaylap sa usa ka Facebook Messenger group chat nga giapilan sa mga estudyante niadtong Oktubre 3, 2026.
Giila ang mga nadakpan sa alyas nga “San” ug “Henny,” kapwa residente sa General Santos City. Gi-report ang insidente sa Police Station 1 sa GSCPO ala 1:10 sa hapon ug lima lang ka minuto ang milabay, mitubag dayon ang mga kapulisan.
Nakigkoordinar ang kapulisan sa Regional Anti-Cybercrime Unit 12 o RACU 12 ug sa mga opisyal sa eskwelahan sa ilang imbestigasyon. Nasuta nga nagbayloay og mga hulga nga mensahe ang mga suspek nga giubanan sa mga litrato sa usa ka magasin sa armas nga adunay mga bala. Gidala ang duha ka suspek sa Police Station 1 alang sa dokumentasyon ug hustong disposisyon, samtang nagpadayon ang imbestigasyon sa maong insidente.
Gipahinumdoman ni PRO 12 Regional Director PBGEN Alan B. Manibog ang publiko nga seryosohon ang mga hulga nga gipadala online ug magmatngon ug responsable sa paggamit sa social media.
