Giserbisyuhan og warrant of arrest ang usa ka lalaki nga wanted sa kasong estafa sa General Santos City, 14 ka tuig human kini gi-isyu sa korte. Giila ang dinakpan nga si alyas Bodoy ,hamtung ang pangidaron ,minyo, ug residente sa Barangay Cogon, Dipolog City.
Gidakop sa mga personnel sa Police Station 2 sa GSCPO ang akusado alas-2 sa hapon niadtong Oktubre 2 sulod sa BJMP facility sa Lanton, Barangay Apopong, General Santos City.
Ang warrant gi-isyu sa Regional Trial Court sa Dipolog City niadtong Hulyo 13, 2012, may kalabotan sa kasong estafa ug adunay girekomendar nga piyansa nga 24 mil pesos.
Matud ni PRO 12 Regional Director PBGEN Alan B. Manibog, padayon nilang ipatuman ang mga warrant of arrest subay sa balaod ug hustong proseso, samtang gitahod ang mga katungod sa mga akusado.
