Giawhag sa Iligan City Waterworks System o ICWS ang mga aplikante nga gustong magpakonek og bag-ong water line nga moadto mismo sa ilang opisina aron makadawat og pre-application form ug husto nga impormasyon sa proseso sa aplikasyon.
Matod ni OIC Head Engineer Hubert Reyes, adunay orientation alang sa mga aplikante aron masabtan nila ang mga kinahanglanon ug lakang sa pag-apply og new water line.
Lakip sa impormasyon nga kinahanglan ibutang sa pre-application form ang ngalan sa aplikante, mode of ownership ug application status.
Gikinahanglan usab sa ICWS ang pipila ka dokumento sama sa photocopy sa cedula, birth certificate ug uban pang supporting documents depende sa aplikasyon.
Giawhag ang publiko nga makig-coordinate direkta sa opisina sa ICWS aron masiguro nga kompleto ang ilang requirements ug malikayan ang kalangan sa proseso.
LGU Iligan- Iligan City Waterworks System
