Duha ka tawo, lakip ang usa ka Chinese national, ang nadakpan human nakumpiskahan og gituohang peke nga Magic Sarap nga mokabat sa ₱1,150,000 sa Lower Purok Malakas, Barangay San Isidro, General Santos City.
Nahimo ang operasyon alas-8:10 sa buntag niadtong nakalabay nga adlaw, diin nasikop sa mga sakop sa Criminal Investigation and Detection Group o CIDG-SarGen ang duha ka gituohang namaligya og counterfeit goods.
Giila sa mga otoridad ang mga dinakpan nga sila si Qing Rong Shi, 50 anyos, residente sa Tagoloan, Misamis Oriental, ug Jerson, 24 anyos, residente sa Malapatan, Sarangani.
Gidepensa sa Chinese national nga ilaha ang maong mga produkto ug giingong dili kini peke o counterfeit. Gipasakaan og kaso ang duha tungod sa paglapas sa Republic Act No. 8293 o Intellectual Property Code of the Philippines.
Photo courtesy: Carlito Dela Pena
