Gipakita sa mga personnel sa Talaingod Municipal Police Station ang ilang suporta sa bag-ong liderato pinaagi sa pagpabitay sa tarpaulin nga nagpakita sa 5C’s nga mahimong giya sa ilang pagpatuman sa responsable ug epektibong serbisyo-pulis.
Langkob sa 5C’s mao ang Crime Prevention, Crime Solution, Community Engagement, Capability Development, ug Collaboration and Good Governance. Tumong niini nga mga prinsipyo ang pagpalig-on sa koordinasyon tali sa kapulisan ug komunidad, paglikay ug pagsulbad sa krimen, pagpalambo sa kapasidad sa mga police personnel, ug pagpalig-on sa maayong pagdumala.
Matud sa Talaingod PNP, magpadayon sila sa pag-alagad uban ang panaghiusa, dedikasyon ug pasalig aron mapalambo ang kalinaw, kahapsay ug seguridad sa komunidad.
Gipasiugda usab sa kapulisan ang ilang panawagan alang sa mas lig-on nga pakigtambayayong sa mga residente aron matubag ang mga hagit sa kaluwasan ug seguridad sa lungsod.
Photo Courtesy: TMPS
