Gipahibalo sa Municipal Social Welfare and Development Office (MSWDO) sa New Corella ning probinsya sa Davao del Norte ang iskedyul sa ikaduhang hugna sa payout sa Unified Package for Livelihoods, Industry, Food, and Transport o UPLIFT Program, nga gitumong sa paghatag og ayuda ug suporta sa mga kwalipikadong benepisyaryo.
Sumala sa MSWDO, ipahigayon ang payout karong Oktubre 8, 2026, alas-8:00 sa buntag, sa New Corella Municipal Gymnasium. Gihangyo ang mga benepisyaryo nga susihon ug kumpirmahon ang ilang mga ngalan sa listahan nga gipahimutang sa tagsa-tagsa ka barangay aron malikayan ang kalangan ug problema sa pagproseso sa payout.
Gipahinumduman usab ang mga benepisyaryo nga andamon ang gikinahanglang requirements, lakip na ang aktibong GCash account ug mga dokumento alang sa ATM o bank processing, depende sa gipresentar nga pamaagi sa pagdawat sa ayuda.
Aduna usab designated assistance area sa maong lugar sa payout diin mahimong mangayo og tabang ang mga benepisyaryo alang sa account opening, pag-secure sa bank account ug ATM card, ug uban pang proseso nga may kalabutan sa pagdawat sa pinansyal nga ayuda.
Dugang pa niini, nga ang mga partner banks usab motabang sa mga kwalipikadong benepisyaryo, apan ang pag-abli o pagproseso sa bank account ug ATM card magdepende gihapon sa verification ug kompletong requirements sa bangko.
Gidasig sa MSWDO ang tanang benepisyaryo nga motambong sa gitakdang petsa ug oras ug magdala sa tanang gikinahanglang dokumento aron masiguro ang hapsay, paspas ug organisadong payout.sa ikaduhang hugna sa UPLIFT Program.
Photo Courtesy: LGU-New Corella
