Malampusong gitapos ang NYOG K2 Davao del Norte Festival 2026, diin gitapok ang mga coconut farmer, processor, negosyante ug innovators alang sa pagpalig-on sa industriya sa lubi sa probinsya. Gipasiugda atol sa closing ceremony ni Arthur Ong ang importansya sa pagdawat sa bag-ong mga ideya ug teknolohiya, samtang padayong girespeto ang kahibalo ug kasinatian sa mga mag-uuma.
Gidasig usab niya ang mga coconut farmer nga dili mawad-an og paglaum, tungod kay dako ang ilang kontribusyon sa pamilya, komunidad ug sa umaabot nga henerasyon. Sumala sa mensahe, ang matag punoan sa lubi nga gitanom usa ka pamuhunan alang sa kaugmaon, busa kinahanglan nga padayong itanom dili lamang ang lubi, kondili usab ang paglaum, oportunidad, panaghiusa ug mas maayong kaugmaon.
Gihatagan usab og pagtagad sa festival ang paningkamot sa mga lokal nga exhibitors nga nagpakita sa kalidad ug potensyal sa industriya sa lubi sa Davao del Norte. Bisan pa man nga natapos na ang festival, padayon ang panaw alang sa mas lig-on, malungtaron ug mas mauswagong coconut industry sa Davao del Norte.
Photo Courtesy: DTI DavNor
