Mokabat sa 11 ka operasyon batok sa ilegal nga droga ang gilunsad sa Police Regional Office 11 sulod sa 24 oras, gikan alas-6:00 sa buntag Oktubre 3 hangtod alas-5:59 sa buntag Oktubre 4, 2026. Base sa accomplishment report sa kapulisan ning rehiyon, 13 ka personalidad ang nadakpan atol sa maong mga operasyon.
Nasakmit usab sa kapulisan ang nagkadaiyang ilegal nga droga nga adunay kinatibuk-ang gibug-aton nga 1,024.91 grams nga marijuana leaves, 553.35 grams nga shabu, ug 225 grams nga marijuana kush.
Gibanabana sa kapulisan nga moabot sa ₱4,155,769.20 ang kinatibuk-ang street drug price sa mga nakumpiskang ilegal nga droga. Ang maong mga operasyon kabahin sa padayong kampanya sa Police Regional Office 11 batok sa pagbaligya ug paggamit sa ilegal nga droga sa Davao Region.
Photo Courtesy: PRO XI
