Sikop ang usa ka lalaki nga giakusahan nga responsable sa pag-atake sa duha ka tawo sa Purok 4, Barangay Mat-i, Claveria, Misamis Oriental, diin usa ang namatay ug usa ang nasamdan.
Matud ni PMAJ Rodel Tangkihay Labadan, OIC sa Claveria Municipal Police Station, gisang-at na sa miaging adlaw ang kasong murder batok sa suspek, samtang nagpabilin kini sa kustodiya sa kapulisan.
Dugang ni Labadan, adunay gamay nga problema sa pangisip ang suspek ug posibleng wala mataga-I sa iyang maintenance medicine sa wala pa ang insidente. Giingong nagwaras kini ug giatake ang iyang bayaw nga si Gerald Asil, 19 anyos, nga namatay human makaangkon og duha ka samad dinunggaban. Samtang dsamay pa ang usa ka biktima nga si Aldrin Cabusog Igang, 26 anyos, nga nakaangkon usab og samad ug padayon nga nagpaalim sa usa ka medical facility.
Nagpasalamat usab ang Claveria MPS sa mga barangay opisyal, barangay tanod ug mga residente sa Barangay Mat-i tungod sa ilang aktibong kooperasyon ug pagtabang nga nakatampo sa dali nga pagkadakop sa suspek.
Photo courtesy: Claveria MPS
