Arestado ang usa ka US Marine tungod sa giingong pagpatay sa usa ka babaye sa Okinawa, Japan. Giila ang suspek nga si Devin Jacob Ballard, 20-anyos, ug nadestino sa US Marine Corps Air Station Futenma, samtang ang biktima si Yagi Anna, 39-anyos.
Sumala kang Japanese Defence Minister Shinjiro Koizumi, napalgan ang patay nga lawas sa biktima sulod sa usa ka hotel sa Naha City. Gisaad hinuon sa US Marine Corps nga hingpit silang nakigtambayayong sa mga awtoridad sa Japan kalabot sa insidente.
Daghang base militar sa US ang nahimutang sa Okinawa, Japan, diin liboan ka mga sundalo sa US ang naka-assign. Matod pa sa mga lokal nga residente ug opisyal, dugay na kining isyu nga nagdala og kabalaka sa kaluwasan sa komunidad.
Photo courtesy: Al Jazeera
