Ginapabugal sang Sultan Kudarat State University ukon SKSU ang mga bag-o sini nga Licensed Civil Engineers nga malampuson nga nakapasar sa September 2026 Civil Engineers Licensure Examination ukon CELE.
Suno sa unidersidad, 37.31 porsyento ang passing rate sang first-time takers, samtang 37.14 porsyento naman ang national passing rate. Ang kalampusan sang mga bag-o nga propesyonal ginakabig nga bunga sang ila pagpanikasog, pagkamainantuson, kag dedikasyon sa pagtuon.
Ginpahayag sang unibersidad nga ini nga pagkab-ot naghatag sang dungog indi lamang sa mga nakapasar, kundi pati sa ila mga pamilya, mentors, kag sa bug-os nga SKSU community.
Ginpangabay man sang SKSU ang mga bag-o nga Civil Engineers nga gamiton ang ila kahibalo kag propesyon sa pagtukod sang mas maayo nga palaabuton kag sa pagserbisyo sa komunidad.
