Nagpabaskog sang selebrasyon ang Grand Fireworks Display bilang kabahin sang pag-bukas sang 4th Mindanao Tourism Expo ukon MTEX 2026 sa Sultan Kudarat gab-I sang Oktubre 2, 2026.
Nagkita ang makolor kag masanag nga fireworks sa kalangitan, nga nagmarka sa opisyal nga pag-umpisa sang isa sa mga dagko nga tourism events sa rehiyon.
Ang MTEX 2026 nagtipon sang mga tourism stakeholders, exhibitors, local government units, kag mga negosyo halin sa nagkalain-lain nga bahin sang Mindanao, pati na sa Luzon kag Visayas.
Tampok sa Expo ang mga lokal nga destinasyon, produkto, kultura, tradisyon, kag mga tourism experiences nga nagapakita sang manggad sang Mindanao.
Pinaagi sa nasambit nga aktibidad, ginapaabot nga mapalambo pa ang turismo kag mga oportunidad para sa mga lokal nga negosyo sa Probinsiya sang Sultan Kudarat kag sa bug-os nga SOCCSKSARGEN.
