Nagpalig-on sang suporta ang Sultan Kudarat Police Provincial Office ukon SKPPO sa Mindanao Travel Expo 2026, nga ginpatigayon sa Sultan Kudarat Sports and Cultural Complex sa Isulan, Sultan Kudarat, sang Oktubre 2-4, 2026.
Ang aktibidad ginpangunahan sang Provincial Government sang Sultan Kudarat kag gintambungan sang nagkalain-lain nga stakeholders halin sa turismo, gobyerno, negosyo, kag komunidad.
Suno sa SKPPO, ang ila aktibo nga pag-upod nagapakita sang ila suporta sa pagpalig-on sang luwas, malinong, kag maabi-abihon nga komunidad para sa mga residente kag mga bisita.
Nagpasalig man ang kapulisan nga magapadayon ang koordinasyon sini sa Gobyerno-probinsiyal kag iban pa nga partners agud suportahan ang turismo, economic activity, kag community development sa Probinsiya sang Sultan Kudarat.
Photo courtesy: PNP Sultan Kudarat Police Provincial Office
