Ginsalbar sang Lambayong Municipal Police Station ang isa ka menor de edad nga gin-alegar nga nalakip sa isa ka online threat batok sa isa ka lokal nga eskwelahan, paggamit sang Facebook account sang isa pa ka menor-de-edad nga wala sang pagtugot, kag pagpanikas sa pagpangayo sang kwarta.
Ginpatigayon ang rescue operation sang Oktubre 3, 2026, nga ginpangunahan ni PMAJ Jayson L. Ortega, Officer-in-Charge, kaupod ang WCPD investigator, MSWDO kag mga opisyal sang barangay.
Nakuha sa operasyon ang isa ka cellphone kag gindala ang menor-de-edad sa police station kaupod ang iya iloy para sa nagakaigo nga disposisyon. Naghatag man sang counseling kag intervention ang MSWDO, samtang ginpangayo ang bulig sang Regional Anti-Cybercrime Unit 12 para sa dugang nga imbestigasyon kag pag-usisa sang cellphone.
Ginpahanumdom sang kapulisan ang publiko nga indi magpalapta sang wala pa napamatud-an nga impormasyon kag ipahibalao sa gilayon sa otoridad ang makasuspetsa nga online nga aktibidad.
Photo courtesy: Lambayong Municipal Police Station
