Ginturn-over sa Munisipyo sang Bagumbayan, Sultan Kudarat ang 20 ka Pax Patrol motorcycles, isa ka pickup vehicle, kag isa ka cadaver vehicle para suportahan ang operasyon sang peace and order, emergency response, kag public service.
Ginpangunahan ang turnover sang Provincial Government sang Sultan Kudarat bilang kabahin sang selebrasyon sang 25th Bansadayaw Festival sang Bagumbayan sang Oktubre 3, 2026.
Kabahin man sang aktibidad ang blessing kag inagurasyon sang bag-o nga Municipal Executive Building kag ang Pax Patrol Turnover Ceremony, nga ginpangunahan ni Bagumbayan Mayor Elizer “Bong” David Segura.
Suno sa Gobyerno-probinsiyal, ang mga gin-turnover nga kagamitan magasuporta sa mas episyente nga paghatag sang serbisyo kag pagresponde sa mga emerhensya sa banwa.
Photo courtesy: Gov. Datu Pax Ali S. Mangudadatu
