Anaa sa kinatibuk-ang P13. 6 milyones ka pesos nga kantidad sa gidudahang shabu ang nasakmit sa mga ahente sa Philippine Drug Enforcement Agency (PDEA)-7 sa Dakbayan sa Lapu-lapu og Dakbayan sa Talisay sa milabay nga adlaw.
Kalabot niini, anaa sa siyam ka mga giingong tigpayuhot sa illegal nga druga ang nadakpan sa gihimong ronda alas 9:50 ang takna sa gabie sa mga ahente sa PDEA Lapu-lapu City Team kauban ang Station-3 Lapu-lapu City Police Office sa may Purok Shooting Star sa Barangay Babag.
Unang nadakpanpan ang walo ka mga tawo sa operasyong gilusad sa PDEA sa Dakbayan sa Talisay ug Dakbayan sa Sugbo. Alas 12:45 ang takna sa udto dihang milusad og operasyon ang PDEA-7 didto sa Sitio Caniba, Barangay Cansojong, sa Dakbayan sa Talisay diin 10 gramos nga “shabu” kantidad og ₱68,000 mil pesos ang ilang nakumpiska.
Samtang alas 9:50 sa gabie dihang nironda ang PDEA uban sa kapulisan sa may Barangay Babag sa Dakbayan sa Lapu-lapu diin nadakpan alias si Jhon Rey, 29 anyos nga habal-habal drayber lumulupyo sa Barangay Sambag 2 sa Dakbayan sa Sugbo kinsa mihatod sa gibanabanaang duha ka kilong shabu balor og ₱13.6 milyones pesos.
Gihikay na karon sa mga otoridad ang mga kasong ipasang-at batok sa ilang mga dinakpan.
Photo Courtesy: BTv
