Nadakpan sa Police Station 8 ang usa ka 53-anyos nga langyaw tungod sa gialegar ng a pagpanglimbong sa pagbaligya og cellphone, sa Talamban, Cebu City.
Matud sa kapulisan, gibaligya sa suspek ang gialegar nga iPhone 17 Pro Max sa P35,000. Apan sa aktuwal nga transaksyon, gialegar nga gipulihan niya ang cellphone og laing unit human mabayran siya sa biktima og P25,000.
Nadakpan ang suspek human siya gigukod sa biktima ug sa iyang uyoan. Gidala siya sa Police Station 8 alang sa dokumentasyon ug dugang imbestigasyon.
Gisusi usab sa kapulisan ang impormasyon nga nalambigit siya sa susamang modus. Giawhag ang ubang posibleng biktima nga moduol sa PS8 aron ma-dokumento ang ilang reklamo ug legal nga aksyon.
Photo Courtesy: Fe Marie Dumaboc/Fb Page
