Nadakpan sa Medellin Municipal Police Station ang usa ka 58-anyos nga lalaki nga wanted sa kasong pagpanglugos ug acts of lasciviousness. Ang suspek, usa ka ulitawo ug walay trabaho nga residente sa Purok Mohun, Barangay Somosa Tabogon, Cebu, nadakpan pinaagi sa warrant of arrest nga gi-isyu sa korte.
Ang warrant may kalabotan sa kaso sa rape ubos sa Republic Act 7610 ug acts of lasciviousness, nga Walay rekomendasyon alang sa piyansa sa kaso sa rape. Human sa pagdakop, gipahibalo ang suspek sa iyang mga katungod ubos sa Konstitusyon ug gidala sa Medellin MPS alang sa hustong dokumentasyon.
Gilauman nga itugyan dayon ang suspek ngadto sa korte nga nag-isyu sa warrant alang sa tukmang disposisyon subay sa balaod.
Photo Courtesy: 𝐏𝐍𝐏 𝐌𝐞𝐝𝐞𝐥𝐥𝐢𝐧 𝐌𝐮𝐧𝐢𝐜𝐢𝐩𝐚𝐥 𝐏𝐨𝐥𝐢𝐜𝐞 𝐒𝐭𝐚𝐭𝐢𝐨𝐧
