Nakabaton na ug Interactive Virtual Assistant Kiosk ang Lapu-Lapu City Hall nga gitumong nga makatabang sa mga Oponganon ug turista nga nanginahanglan og impormasyon kabahin sa dakbayan.
Pinaagi sa kiosk, mahimong pangitaon ang mga lokasyon ug address sa nagkalain-laing opisina ug ahensya sa gobyerno, lakip ang importanteng numero sa telepono alang sa mga emerhensiya.
Makita usab dinhi ang impormasyon kabahin sa mga festival sa syudad, ingon man ang mga tourist destination, restaurants ug hotels sa dakbayan.
Sumala ni OIC IT Office Louie Delos Santos, sayon ra gamiton ang kiosk tungod kay parehas ra kini sa paggamit og cellphone, busa dali ra makat-on ang mga molupyo ug bisita sa paggamit niini.
Photo Courtesy: Junard “Ahong” Chan
