Nagpahinumdom ang Davao Light and Power Company sa Davao del Norte nga ang extension cords gituyo lamang alang sa temporaryong paggamit ug dili angay himuong kapuli sa permanenteng electrical wiring sa panimalay. Sumala sa electrical safety reminder, mahimong makapahinabo og overheating ang sobra o dili husto nga paggamit sa extension cords, ilabina kung daghang appliances ang ikonektar sa usa ka cord nga dili angay sa electrical load.
Gipasiugda usab nga ang paggamit og extension cord sulod sa dugay nga panahon mahimong makadugang sa risgo sa electrical fire, ilabina kung adunay nadaot, luag, o dili angay nga wiring ug koneksyon. Giawhag ang mga panimalay nga likayan ang overloading sa mga electrical outlets ug extension cords, ug sigurohon nga husto ug luwas ang electrical wiring sa ilang mga balay.
Gipahinumdoman ang publiko nga ang electrical safety usa ka responsibilidad sa matag panimalay aron malikayan ang sunog, kadaot sa mga appliances, ug posibleng peligro sa kinabuhi.
Photo Courtesy: DLPC North
