Gidakop sa kapulisan ang napulo ka indibidwal atol sa operasyon batok sa iligal nga sugal nga gihimo sa Upper Banangilid, Barangay Tambis, Barobo, Surigao del Sur.
Gipangunahan sa Barobo Municipal Police Station (MPS) ang operasyon ubos sa pagdumala ni Acting Chief of Police PMAJ Andrew G. Lupian, diin nasakmit ang usa ka set sa baraha ug kuwarta nga gigamit isip pusta nga mokabat sa 1,080 pesos.
Wala na gipagawas sa kapulisan ang mga ngalan sa mga nadakpan ug gipahibalo sila sa ilang mga katungod subay sa balaod. Sa pagkakaron, anaa sila sa kustodiya sa Barobo MPS kauban ang mga nakumpiskang ebidensya alang sa hustong dokumentasyon ug dugang nga proseso.
Matud ni PMAJ Lupian, padayon ang ilang operasyon batok sa iligal nga sugal ug uban pang ilegal nga kalihokan aron mapadayon ang kalinaw ug kahapsay sa lungsod.
Photo courtesy: Barobo MPS
