Dakpan human sa 14 ka tuig nga pagtago-tago sa mga kapulisan ang usa ka wanted person nga giilang sa alyas “Nat,” 51 anyos, walay trabaho ug residente sa Barangay Uson, Caibiran, Biliran tungod sa kasong attempted homicide atol sa gilusad nga operasyon sa Barangay Palanay, Caibiran, Biliran niadtong Oktubre 1, 2026.
Sumala pa sa mga awtoriadad, ang pagdakop gibase sa gipalusot sa warrant of arrest nga may kalabotan sa kasong attempted homicide, diin aduna namay gitakdang P12,000 ang girekomendar nga piyansa alang sa iyang temporaryong kagawasan.
Gihimo ang pagdakop sa Caibiran Municipal Police Station ubos sa pagdumala ni PMAJ Joet Micah O. Evangelista, Chief of Police, pinaagi sa intelligence-driven nga operasyon ug base sa Warrant of Arrest nga giisyu sa Presiding Judge sa 3rd Municipal Circuit Trial Court sa Caibiran-Culaba niadtong Pebrero 9, 2012.
Human sa pagdakop, gipahibalo ang nadakpan sa hinungdan sa iyang pagdakop ug sa iyang mga katungod ubos sa Konstitusyon ug gapasabot sa pinulongan nga iyang nasabtan.
Sa kasamtangan, anaa na karon sa kostudiya sa Caibiran MPS ang naasoy nga suspetsado alang sa tukmang dokumentasyon ug disposasyon sa dili pa itugyan ngadto sa korte nga nag-isyu sa warrant.
Photo Courtesy: PNP Caibiran Municipal Police Station
