Gidasig sa Department of Trade and Industry (DTI) Zamboanga del Sur ang publiko nga bisitahon ug suportahan ang Zamboanga Peninsula (ZAMPEX) 2026 nga pagahimuon sa KCC mall de Zamboanga City sugod Oktubre 7 hangtod sa Oktubre 11 ning tuiga.
Matud ni Jason Jao ang Senior Trade Industry Development Specialists sa DTI Zamboanga del Sur, pinaagi sa Zamboanga Peninsula Exposition mahimong makita ang nagkadaiyang baligya sa mga MSMEs ug matabangan usab ang mga entrepreneurs nga madasig sa ilang pagnegosyo.
Pinaagi niini, makita ug mas mapaila sa publiko ang nagkalain-laing lokal nga produkto gikan sa mga micro, small, and medium enterprises o MSMEs sa Zamboanga Peninsula.
Gilauman nga mahimong dakong oportunidad ang ZAMPEX 2026 alang sa mga lokal nga negosyante aron mapalapdan ang ilang merkado, makakita og bag-ong mga kliyente, ug mapalig-on pa ang ilang negosyo.
Samtang, ang publiko adunay higayon nga makakita ug makapalit sa nagkadaiyang produkto nga gihimo sa mga lokal nga MSMEs diin giawhag sa DTI Zamboanga del Sur ang mga ZamboSurian ug uban pang mga residente sa rehiyon nga mobisita sa ZAMPEX 2026 ug suportahan ang mga lokal nga produkto ug negosyante.
