Nadakpan sa kapulisan ang usa ka lalaki nga nalista isip Top 8 Provincial Most Wanted Person sa Zamboanga del Sur, tungod sa kasong Murder ug Attempted Murder, atol sa gikasang Law Enforcement Operation, kaganinang buntag Oktubre 5, 2026, sa Purok Rose, Barangay West Migpulao, lungsod sa Dinas, Zamboanga del Sur.
Ang operation gipangunahan sa Dinas Municipal Police Station, kauban ang Zamboanga del Sur Provincial Intelligence Unit ug ang 2nd Zamboanga del Sur Provincial Mobile Force Company.
Dala ang warrant of arrest nga gipagawas niadtong Hunyo 19, 2026, ug gi-isyu sa Assisting Judge sa Regional Trial Court 9, Branch 29, San Miguel, Zamboanga del Sur.
Walay pyansang girekomendar alang sa kasong Murder, samtang ang Attempted Murder, gitugutan kining makapiyansa sa kantidad nga 120 mil pesos. Sa pagkakaron, anaa na sa kustodiya sa Dinas Municipal Police Station ang suspek alang sa tukmang disposisyon.
Photo courtesy: ZSPPO
