Gibida sa Lokal nga Pangagamhanan sa Kumalarang ang adunahang kultura ug tradisyon sa mga Moro ug Subanen atol sa pagsaulog sa World Tourism Day.
Gipangunahan sa Municipal Tourism Office ang maong kalihokan aron mapalambo ang sektor sa turismo sa lungsod. Pinaagi sa kasaulugan, gipasiugda ang nagkadaiyang kultura, tradisyon, ug identidad nga naghatag og bili sa lokal nga katilingban.
Nagpadayon ang paningkamot sa lokal nga panggamhanan sa pagpalapad ug pagpaila sa kultura ngadto sa mga turista.
Photo courtesy :KUMALARANG ZDS
