Gipahigayon sa DOLE 9 Zamboanga del Sur Field Office ang First Aid Orientation sa 110 ka trabahante ug tag-iya sa gagmay’ng negosyo sa Tabina, Zamboanga del Sur. aron mas maandam ang mga micro-establishment sa pag-atubang sa mga aksidente ug uban pang emerhensiya sa trabahoan.
Lakip sa gitudlo ang pag-ila sa peligro sa lugar, hustong pag-atiman sa naangol, paggamit sa first aid kit, ug mga pamaagi sa pagresponde sa emerhensiya.
Nanguna usab ang Bureau of Fire Protection o BFP Tabina sa praktikal nga demonstrasyon sa basic life support, CPR, paggamit sa fire extinguisher ug hustong pagdala sa pasyente.
Matud sa DOLE, kabahin kini sa ilang pagtabang sa mga gagmay’ng negosyo nga mas masabtan ug matuman ang mga sumbanan sa occupational safety and health o OSH.
Gipasalamatan usab sa lokal nga panggamhanan sa Tabina ug sa Public Employment Service Office ang DOLE 9 tungod sa maong kalihokan, nga gilauman nilang makatabang sa pagpanalipod sa kinabuhi ug kaluwasan sa mga trabahante.
Photo courtesy: DOLE ZDS
