Angol ang tulo ka indibidwal human nabangga ang usa ka Skygo motorcycle nga adunay side car ngadto sa wing van sa Purok 8, Barangay Picanan, Kumalarang, Zamboanga del Sur, mga alas 10:55 sa buntag, Oktubre 4.
Sa inisyal nga imbestigasyon sa kapulisan, nisulay matud pa ug overtake sa laing motorsiklo ang Skygo nga gimaneho sa 35-anyos nga lalaki adunay sakay nga pito ka pasahero ug duha ka sako sa saging.
Apan gumikan sa kusog nga pagpadagan nawad-an ug kontrol ang driver niini ug nitabol sa pikas direksyon, hinungdan sa pagbangga niini sa kasugat nga wing van truck. Naka-angkon ug samad ug bun-og sa lawas ang driver sa motorsiklo lakip ang duha ka pasahero nga mga menor de edad.
Gidala dayon ang mga biktima sa Kumalarang Rural Health Unit ug sa ulahi girefer sa Pagadian City alang sa dugang nga pagtambal. Wala ra usab maunsa ang ubang pasahero sa motorsiklo ug ang driver sa truck diin sa pagkakarob ang duha ka sakyanan nadaot gikustustudiya sa Kumalarang Municipal Police alang sa tukmang lakang.
