Lima ka munisipalidad sa Zamboanga del Sur ang gitutokan sa Provincial Government alang sa pagpalambo ug pagpauswag sa coconut production sa probinsya.
Matud ni Zamboanga del Sur Provincial Agriculturist Dante Lao-ay mando matud pa sa Provincial Governor nga patutukan ang coconut production sa Kumalarang, Lakewood, Lapuyan, Sominot ug Midsalip.
Segun ni Lao-ay, gimando usab sa Gobernadora nga kon mahimo butangan usab ug Coco Coir Processing Facility ang maong mga munisipalidad aron mas daghan pang mga mag-uuma sa lubi ang matabangan.
Kabahin kini sa mga lakang sa Provincial Agriculture’s Office aron mapataas ang produksyon sa lubi ug mapalig-on ang coconut industry isip usa sa mga major commodity sa Zamboanga del Sur.
Gilauman sa Provincial Government nga pinaagi sa mas tukmang pagpunting sa mga programa, mapataas ang produktibidad sa coconut farmers ug mapalambo pa ang industriya sa lubi sa Zamboanga del Sur.
Tumong niini nga mas mapalig-on ang panginabuhi sa mga mag-uuma ug mapadako ang kontribusyon sa coconut industry sa ekonomiya sa probinsya.
