Arestado sa kapulisan ang 47-anyos nga lalaki human sa tinuyo nga pagsunog ang sofa sulod sa ilang balay sa Barangay Luna, sa dakbayan sa Surigao.
Sumala sa 68-anyos niyang inahan, nakita niya mismo ang suspek nga nagpasiga sa sofa, hinungdan nga misinggit siya og tabang. Dali usab nga mitabang ang mga silingan ug concerned citizens nga nakapalong sa kalayo ug nakapugong sa pagkaylap niini.
Human sa insidente, mikalagiw ang suspek apan nasikop sa follow-up operation sa kapulisan alas-7:12 sa gabii. Giandaman na ang kasong paglapas sa Presidential Decree No. 1613 o Arson Law.
Samtang gidugang sa inahan batok sa suspetsadong anak, ang pagkalambigit niini sa paggamit og ilegal nga droga ug pagpanghulga.
