Hapit 500 ka patay nga lawas sa tawo ang gipreserbar pinaagi sa cryonics, diin gitipigan sila sulod sa dagkong tangke nga adunay liquid nitrogen sa temperatura nga moabot sa minus 196 degrees Celsius.
Sa Estados Unidos, ang Alcor Life Extension Foundation sa Arizona nag-atiman og 248 ka pasyente, samtang kapin 240 ka lawas ang gitipigan sa Cryonics Institute sa Michigan. Sa Russia, kapin usab sa 100 ka tawo ang gipreserbar sa KrioRus.
Ang cryonics usa ka proseso diin ang lawas sa namatay nga tawo pabugnawon pag-ayo human sa kamatayon aron mapreserbar ang mga selula ug tisyu, uban sa paglaum nga mahimo kining ma-repair ug mabuhi pag-usab pinaagi sa umaabot nga teknolohiya. Apan hangtod karon, wala pay siyentipikong ebidensiya nga ang usa ka tawo nga gipreserbar pinaagi sa cryonics mahimong mabuhi pag-usab.
Bisan pa niini, adunay mga tawo nga andam mogasto aron hatagan ang ilang kaugalingon og posibilidad sa usa ka bag-ong higayon sa kinabuhi sa umaabot
Photo courtesy: The Guardian
