Nag-expand ang actress ug entrepreneur Andi Eigenmann sa iyang cafe business sa Siargao, human kini mibalhin sa mas dako nga lugar duol mismo sa Cloud 9 Beach.
Sa iyang Instagram post, gipahibalo ni Andi nga officially nag-open pag-usab ang Happy Islanders sa bag-ong lokasyon. Matod niya, dako ang ilang pag-uswag ug expansion sa negosyo, apan nagpabilin gihapon ang tumong niini nga ipakita ang island life pinaagi sa maayong pagkaon, surfing, dagat ug komunidad.
Gipasalamatan usab ni Andi ang iyang team nga mitabang sa pagpalambo sa bag-ong cafe. Samtang wala nakauban niya sa final preparations ang iyang partner nga si Philmar Alipayo, tungod kay naa kini sa Japan isip coach sa Philippine Surfing Team atol sa Asian Games. Miingon si Andi nga proud siya kang Philmar ug excited nga makita niini ang ilang bag-ong natukod nga cafe sa iyang pagpauli.
Photo courtesy: @kanaway.snackbar IG
